Telefónica comezou a activar a súa rede de 900
megahercios en Galiza, o que permitirá ampliar a cobertura de banda
ancha móbil, duplicar a velocidade de transmisión de datos e mellorar o
sinal na zona rural e no interior dos edificios.
O uso por parte de Telefónica da frecuencia 900 é
consecuencia da reorganización e liberación de frecuencias iniciada o
pasado mes de abril en España. Simultaneamente, Telefónica aumentou ata
42 megas, o dobre da existente ata agora, a velocidade dispoñible en
banda ancha móbil en cidades como Vigo, Santiago ou A Coruña, tras
completar unha primeira fase do seu despregamento da tecnoloxía dual
cell, a máis avanzada en telecomunicacións móbiles. A frecuencia 900,
cuxo acendido en 220 estacións base de toda Galiza iniciouse o 9 de
setembro, ofrece unhas condicións adecuadas de propagación e alcance
para a telefonía móbil, de forma que os usuarios de Movistar
experimentarán desde este mes melloras notables en canto a cobertura,
calidade, e velocidade dos servizos de banda ancha.
A compañía anunciou onte que continuará co seu plan
de melloras na comunidade galega ata o 2013 co obxecto de mellorar a
cobertura.
No hay comentarios:
Publicar un comentario